Donostian, 2009ko maitzaren 29an

Kaixo azkeneko aldiz!
Esan bezala, jada ikasgaia amaitu da eta horregatik orain gogoeta orokor bat egiteko unea dela iruditzen zait. Aurkezpenean ikusi daiteke zein izan den gure ibilbidea eta nik orain sentitutakoa adierazi nahiko nuke.
Hasieran ezjakintasuna zen nagusi nire gorputzean, izan ere dena berria zen niretzat eta pixka bat bildurtu nintzen ikasgaian egin behar zena entzundakoan: blogga, bideoak...
Hala ere, pixkanaka-pixkanaka eguneroko lanarekin geroz eta hobe joan naiz sentitzen ikasgaian, eta azkenerako gauza mordo bat egiten ikasi dudala iruditzen zait.
Ikasgaia hasitakoan sentizen nuen beldur sentsazio hori, gaur egun desagertu egin da, eta egia esan gustura geratu naiz egindako lanarekin.
Beraz, hau esanik agurtzen naiz beste bat arte!

Donostian, 2009ko maiatzaren 29an

Kaixo!
Duela egun batzuk Magis TBren logotipoa izateko botazio bat egin genuen. Logotipo aukerak elkarrikertuzen agertzen dira eta nik 3. ari eman nion nire botua eta badiru gehienoi hau gustatu zaigula gehien izan ere hauxe izan da logo irabazlea.

Zorionak sortzaileei!

Donostian, 2009ko maiatzaren 29an

Kaixo!

Gaur ikasgaiko azken eguna da, eta lan guztiak entregatzen aritu gara. Egindako bi bideoak elkarrikertuz plataformara ere igo ditugu eta honetaz gain, bai Joxemi eta baita Daniri ere lan guztiak jasotzen dituen CD bat eman diegu. Egindako aurkezpena ere bloggean agertzen da, eta azken finean bertan laburtzen da ikasgaian egindako ibilbidea.

Lan guztiak ahalik eta egokien egiten saiatu gara eta espero dugu zuei ere ala iruditzea!

Donostian, 2009ko maiatzaren 27an

Kaixo!

Aipatu bezala ostiralean ikasgaiaren laburpen bat aurkeztu behar dugu gainontzeko ikaskideen aurrean. Hau horrela, izanik gure ustez lana egiteko modurik egokiena bideo bat egitea izan da, izan ere, azken finean ikasgaian zehar landu dugun zerbaitekin nahi genuen bukatu. Horregatik, guk egindako bideoa hemen jartzen dizuegu. Espero dugu denen gustukoa izatea!

Donostian, 2009ko maiatzaren 27an

Kaixo!

Gaur azken saio teorikoa izan da eta horregatik beste gelakoen aurkezpenak entzuten egon gara. Hauetan zehar ikasgaian zehar landu ditugun gai ezberdinak gogoratu ditugu, egindako ibilbidera bueltatuz, talde bakoitzak berak bizitakoa islatu duelarik.

Guk ostiralean aurkeztuko dugu gurea eta espero dugu denen gustukoa izatea. Ordurarte ondo izan!

Donostian, 2009ko maiatzaren 27an

Kaixo!

Hemen jartzen dizuegu gure IKTko txostenetik ateratako Pelutxe proiekturari buruzko informazioa! Zuen gustukoa izatea espero dugu!

Pelutxe proiektua

Publish at Scribd or explore others:

Donostian, 2009ko maiatzaren 22an

Kaixo!

Gaurko saioan lan guztiak scribera igotzen eta blogean txertatzen aritu gara, eta azkenean dena egin dugu. Gure lanak scriben, gure blogean eta bi bideoak Magis TBn ere aurkitzen dira, beraz igo beharreko guztia igota dago. Falta zaiguna dena CD batera pasatzea eta hau entregatzea da, eta hau hurrengo egunerako prestatuko dugu.

Beraz, ikasgaian egin beharreko lanak bukatzen goaz eta egia esan uste baino errazago ari gara egiten. Azken txanpa besterik ez zaigu falta!

Donostian, 2009ko maiatzaren 22an

Kaixo!

Jarraian Magis TBrako egindako bi bideoak eta taulak azaltzen dira. Bi bideoak zeharo ezberdinak dira. Lehenengoa, azoka solidario baten ingurukoa da. Bigarrena, aldiz, IKTren inguruan irakasle bati eginiko elkarrizketa da. Zuen gustukoa izatea espero dugu!

Lehenengo bideoa

Bigarren bideoa



Bi bideo hauek egiteko erabili ditugun taulak ondorengoak dira!

Bideoen taulak

Publish at Scribd or explore others: School Work marketing negocios

Hauxe izan da gure lana!

Donostian, 2009ko maiatzaren 22an

Kaixo!

Gu Sara Rodriguez, Amaia Lizarraga eta Garazi Lopez gara eta hemen duzue IKTko txostena. Hau egiteko bakoitza bere ikastetxera joan da eta bertan lortutako informazioarekin osatu dugu lana. Espero dugu zuen gusutukoa izatea!

IKT TXOSTENA

Publish at Scribd or explore others: School Work How-to-Guides & Manu Law & Government culture sistemas

Donostian, 2009ko maiatzaren 20an

Kaixo!

Gure ikasgaiko gai nagusia dela eta ez dela, internetetik nenbila ondorengo bideoarekin egin dut topo eta oso interesgarria iruditu zait. Izan ere, azken finean, ikasgelan landu dugun tenologia eta hezkuntzaren arteko lan egiteko moduaz hitz egiten du.

Esperu dut denen gustukoa izatea!

Donostian, 2009ko maiatzaren 20an

Kaixo!

Gaur izan dugun saio praktikoan gure lanei azken ukituak ematen aritu gara eta hau egin ostean lan guztiak non argitaratu behar diren argitzen aritu gara.

Hau horrela izanik, lehen pausua gure bi bideoak, bai solidarioa eta baita IKTei buruzkoa Magis Tbn txertatzea izan da.

Bi bideoak Magis Tbra igo ondoren Joxemik scribak nola funtzionantzen azaldu digu, horregatik, gure hurrengo erronka egindako guztia bertara igotzea eta blogean txertatzea da!

Donostian, 2009ko maiatzaren 15ean

Kaixo!

Gaurko klase praktikoan, egindako lan guztiak nora igo behar diren eta igotzeko modua ikasten aritu gara. Izan ere, lau klase solik falta dira ikasgaia amaitzeko eta horregatik bai IKTko txostena eta baita Magis Tbtarako egindako bi bideoak non aurkeztu behar ditugun adierazi digu Danik.

Aurretik aipatu bezala lehengo bideoa eginik geneukan eta gaur bigarrenari eman diogu amaiera. Zenbait arazo izan ditugu musika zela eta ez zela ordenagailua blokeatu egiten zelako, baina azkenean honi aurre egin diogu eta bideoa amaitu dugu.

Egia esan, lan hauen bidez konturatu naiz, azken finean teknologiak erabiltzea ez dela hain zaila. Izan ere, hasieran gauza berriak direnez errespetua ematen didate eta urduri xamar jartzen naiz, baina konturatu naiz pazientzia pixka batekin eta pixka bat saltxeatuz lan polit egin daitezkeela.

Beraz, orain egindako erakustea bakarrik falta zaigu, eta hau horrela izanik gure taldearen hurrengo erronka lan hauek interneten jartzea da.

Donostian, 2009ko maiatzaren 13an

Kaixo!

Gaurkoan Magis TBrako eginiko bideoak osatzen aritu gara. Joxemirekin izan dugu gaur klasea eta honi erakutsi diogu egindakoa. Gustatu zaiola esan digu eta guk bideoari amaiera eman diogu. Hau bukatuta, bigarren bideoaren lanketan sartu gara bete-betean, honen helburu nagusia bi bideoak oso ezberdinak izatea izanik, batean lantzen ez duguna bestean erabiliz, biak kontuan hartua landu ditugun gauza ezberdinak sartuz.

Honekin batera, atzoko hitzaldiaz ere aritu gara eta Joxemik honen inguruko iritzia ematea eskatu digu. Egia esan, nik atzo azaldu nuen aurkeztutako proiektuaren nondik-norakoa baina ez nuen iritzia eman eta esan beharra dago oso interesgarria izan zela. Azken egunetan eskola ezberdinetan teknologiak lantzen dituzten proeiktu ezberdinak ezagutzen ari gara eta egia esan hau oso aberasgarria da. Izan ere, etorkizun hurbil batean lanean hasten garenean proiektu ezberdinekin egingo dugu topo eta hauetara egokitu beharko gara. Horregatik, hitzaldi hauek oso baliagarriak egiten ari zaizkit nire ezagutzak areagotzeko.

Kaixo!

Internetetik bueltan nenbilela teknologia eta hezkuntzaren inguruko bideo interesgarri batzuekin egin dut topo. Gainera ondoren konturatu naiz ez naizela bakarra bideo hauek blogera igotzeko ideia izan duena, gelakideen blogetan bideo ezberdinak ikusi baititut.

Beraz, espero dut zuen gustukoak izatea:

Jarraian azken egunetan Ikasys proiektuaz hitz egiten aritu garenez honi buruzko informazioa jasotzen duen bideo bat jarriko dut, bertan ikasle eta irakasleen iritziak agertzen direlarik:

Donostian, 2009ko maiatzaren 12an

Kaixo!

Gaur ere, nahiz eta klaserik ez izan Donostian izan naiz, izan ere, beste hitzaldi bat izan dugu.

Gaurkoan Emilio Etxabe etorri zaigu, Andoaingo ikastetxeko irakasle bat bere eskolan aurrera eramaten duten proiektuaren berri ematera (lehen hezkuntzan aurrera eramaten den proiektua).

Emiliok zion, azken finean, hezkuntzaren xedea, ikasleari bizitza guztirako baliagarri izango dituen oinarrizko baliabideak esakaintzea dela. Hau, elkarrekin bizitzen, egiten eta ekiten, komunikatzen, ikasten eta norbera izaten lortzen delarik.

Ildo beretik esan digu,IKTak azken urte hauetan indar handia hartu dutela eta azken urte honetan indarrean jarri den hezkuntza legeak, IKTak bizitza osarako baliagarriak direla eta hauen derrigorrezko erabilera azapimarratzen duela.

Andoaingo eskola honek Txanela proiektua jarraitzen du eta honen informazio sakona ondorengo orrialdean aurki dezakezue

TXANELA PROIEKTUA

Proiektu honetan azaltzen da ikasleek 16 urte betetzen dituztenean zein konpetentzia izan behar dituzten, eta horiek ondorengoak dira:

• Sistema informatikoaren kontrola.
• Informazioaren kudeaketa eraginkorra.
• Informazioaren eta ezagutzaren komunikazioa eta elkartrukea.
• Informazioa prozesatzea eta edizioa.
• Datuen kudeaketa eta kalkulua.
• IKT baliabideen eraikitzea eta problemak ebaztea.

Aurretik aipatutako webgunean bai irakasle eta bai ikasleentzako txokoa dago, eta bertan ikasleentzako ariketak eta irakasleek hauek ariketak nola egin dituzten ikusteko aukera dago. Aipatzekoa da, ikasleek egiten dituzten ariketak webquest moduan ezagutzen diren ariketak direla besteak beste. Ikasle talde bati ariketa berdina egiteko eskatzen zaie baina guztiei iturri ezberdinak emanez. Erabiltzen dituzten jarduera motak ondorengoak dira:

• Animazio bideoak + galderak.
• Ikerketa laburrak, webquest.
• Definizoak hitz elkartuak.
• Interneteko baliabideak: hiztegiak, entziklopediak...
• Datuetatik grafikora.
• Gelako bloga (komunikatzeko tresna, ikasleek egiten dutenaren berri emateko erabiltzen dute).
• Edizio lanak.

Honekin, batera Ikasys proiektuaren inguruan ere aritu gara eta Emiliok esan digu honen helburua errepikapena, ulermena eta oroimena eskatzen duten jarduerak ikasten laguntzea dela. Astean ikasgai bakoitzean ordu erdiz aritzen dira ikasle bakoitza mini ordenagilu batekin ikasys proeiktua aurrera eramanez eta aurrerapen handiak ematen dituztela adierazi digu. Honi buruzko informaizo ondorengo orrian aurki daiteke:

IKASYS

Beraz, ikusi bezala eskola guztiak martxan daude teknologia berriak beren ikasgeletan txertatzen. Jarraian ikastolen elkarteko web orrialdea eta Andoaingo ikatolako web orrialdea jarriko ditut informaizo gehiago jaso nahi duenarentzat.

IKASTOLEN WEBGUNEA

ANDOAINGO IKASTOLA

Donostian, 2009ko maiatzaren 8an

Kaixo!

Esan bezala jada bigarren lanarekin martxan jarri gara eta horregatik naiz eta gure taldeak oraindik ez eduki garbi nola egin bi bideoak, hasiera batean behintzat ondorengo bi ideia hauek ditugu.

• Bideo 1: Erdi aroko azoka solidarioa. Azokatik ateratako dirua etiopiako haurren hezkuntzarako.
• Bideoa 2: Teknologia berriak eta hezkuntza irakasle batetn ikuspuntutik.

Donostian, 2009ko maiatzaren 8an

Kaixo!

Azkenean ostirala iritsi da, eta betiko moduan gaur Danirekin izan dugu saio praktikoa. Hasieran Scrib 2.0-ra dokumentuak nola igotzen diren azaldu digu, eta ondoren IKTko lanaren inguruko zenbait datu argitu eta zehaztu dizkigu.

Hau egin ondoren jada lan berriaren azalpenarekin bete-betean sartu da Magis TBtaren nondik-norakoa eta hau nola burutu behar dugun azalduz. Honetarako zenbait programa beharko ditugu eta horregatik programa hauek istalatzen eta saltxeatzen ere aritu gara, lanari ekinten diogunean arazorik ez izateko.

Beraz, orain guri tokatzen zaigu bideoa kamaera hartzea eta Magis Tbtarako bi saio txiki egitea.

Donostian, 2009ko maiatzaren 6an (Pelutxe proiektua)

Kaixo!

Lehen azaldu bezala gaur Elia teknologia eta hezkuntzaren arteko binomioaz aritu zaigu hitz egiten. Bide honetan guk ere gure esperientzia (txikia) kontatu dugu praktiketan ikusitakoaz, eta hori dela eta, ezinbestekoa iruditzen zait Pelutxe proiektuaren berri ematea denak jakin dezazuen zer den. Izan ere, IKTko lana egitean aztertutako ikastetxe batean proiektu hau aurrera eramaten zutela jakin genuean eta oso interesgarria iruditu zitzaidan haurrak mundu honetan sartzeko.

Horregatik jarraian honi buruzko informaizoa jarriko dizuet proiektuaren inguruan gehiago jakiteko.

Pelutxezko Panpinen proiektua, "Ositos de Peluche" IEARN sareak antolatutako proiektuan oinarritzen da. Proiektu hau Haur Hezkuntza eta Lehen Hezkuntzako ikasleei zuzentzen zaie, e-postaren bidez komunikazioa bultzatzea oinarritzat duelarik. Pelutxe baten bidez, teknologia berriak era funtzional eta esanguratsuan erabiltzen dituzte eta baita bi eskolen arteko komunikazioa ere sustatzen da.

Nori zuzendua
Haur Hezkuntzako azkeneko mailako ikasleei (bost urteko geletan daudenei)

Helburuak
Pelutxezko Panpinen proiektuaren helburu nagusiak, besteak beste, honako hauek dira:
-Ikastetxe ezberdinetako ikasleen arteko harremanak sustatu
-Idatzizko hizkuntza, IKTak erabiliaz, era esanguratsu batean sustatu


Proiektuaren garapena
-Talde bakoitzak Ikasturte hasieran pelutxe bat “maskota bat” eskuratu beharko du.
-Maskota 1.hiruhilekoan, gelakideekin ikastetxean bertan egongo da.
-Parte hartzen duten taldeak bikoteka antolatuko dira maskotak elkartrukatze arren 2.hiruhilekoaren hasieran maskota elkartrukatu ondoren bi taldeen arteko komunikazioa, batez ere posta elektronikoaren bidez, gauzatzen joango da. Komunikazioa aipatzerakoan, izan daiteke ahozko, idatzizko edota irudizko hizkuntzen bidez. (irudia, testua edota soinua)
-2.hiruhilekoaren bukaeran proiektuari amaiera emango zaio berriro maskotak trukatuz, eta pelutxe bakoitza bere taldera itzuliz.
-Pelutxea ukitu daitekeen zerbait da eta haurrek berarekiko lotura sortzen dute, proiektuaren muga parte hartzaileen irudimenak ezarriko duelarik.


Hona hemen, gida bezala jarraitu beharreko pausuak Pelutxe proiektua aurrera eramateko
2008ko azaro eta abenduan:
-Pelutxea erosi eta gelakideekin lotura bermatu.

- Bikoteak osaturik, irakasle bikote bakoitzak prozesua nola izango den adostu beharko du, denboralizazioa (kontutan harturik lana bigarren hiruhilabetean osatuko dela), Pelutxeak nolakoak erosi (erosi behar badira), nola azaldu gelan...

2009ko urtarriletik apirila arte:
- Ikastetxe bien artean e-posta erabiliz Pelutxei buruzko berriak trukatzen igaroko dute.
- www.elkarrekin.net web gunean pelutxeen deskribapenak argitaratuko dira, denon eskura edukitzeko.

Hirugarren hiruhilekoan:
- Pelutxeen itzulera jatorrizko taldera. Pelutxeak bueltatzeko momentua izango da, korreoz berriro edo txango bat antolatuz eta bide batez beste taldeko kideak ezagutuz....

- Proeiktuaren balorazioa ere hiruhileko honetan egingo da, alderdi baikorrak, prozesuan izandako zailtasunak eta etorkizunerako proposamenak jasoko direlarik.


Proiektua aurrera eramateko beharrezkoak diren baliabideak
-Pelutxeak
-Interneteko konexioa
-Elkarrekin.net plataformak irakasle partaideei gune bat eskainiko zaie. Honetan komunikatzeko tresna desberdin batzuk erabil ditezke: Foroak, baliabideak, laguntza, chata…
-Proiektuekin sortuko diren arazo teknikoak konpontzeko arduradun bat egongo da.
-Partaide bakoitzari helbide elektroniko bat emango zaie.

Hauxe izango ze proiektuaren oinarria. Jarrian Pelutxe proiektuko weborria jarriko dut:

PELUTXE PROIEKTUA

Donostian, 2009ko maiatzaren 6an

Kaixo!

Gaurkoan Josemi blogaren inguruan hitz egiten hasi zaigu. Bide honetan bakoitza berea txukuntzen aritu gara denbora batean eta bakoitzak bertan zituen hutsuneak edo zalantzak bete eta argitu ondoren hitzaldi bat entzun dugu.

Oraingo honetan Sevillako neska bat, Elia, etorri zaigu tekonologien eta hezkuntzaren harremanaz hitz egitera. Bide honetan gu praktiketan egon garen ikasgeletako egoerez galdezka aritu zaigu, ea haur hezkuntzako gela hauetan ordanagailurik genuen eta hauek interneteko sarerik ba ote zuten galdetuz. Mota guztietako erantzunak jaso ditu eta horrela pixkanak beraiek Sevilla eta inguruan aurrera eramaten duten proiektuaz hitz egin digu.

Ildo honetatik pixka bat bere inguruko ikastetxeen egoera azaldu digu, ikastetxe publiko eta pribatuen ezberdintasunak eginez. Publikoetan oraindik ez daudela ordenagailuak eta pribatuetan bai esanez. Honekin ikusi dugu hemengo egoera ez dela berdina, ikasgelan ordenagailua eta interneta egoteak ez duela zerikusirik ikastetxe motarekin.

Beren proiektuaren helburua haur hezkuntzako geletan teknologiak txertatzea da bertan irakasleen eta ikasleen rolek izugarrizko garrantzia dutelarik.

Egia esan, azken egunetan izan ditugun hitzaldiek zer pentsatu ematen didate. Izan ere, hauen bidez zuzenean toki ezberdinetako eskoletan teknologiak nola lantzen eta txertatzen diren ikusteko aukera izaten ari gara eta nire ustetan hau horrela izanik gu ere zerbait pentsatzen hasi beharko ginateke. Izan ere, hemendik hilabetera jada maisu-maistrak izango gara eta egoera hau ikusita hobe teknologiek ongi ezagutzen hastea ondoren eskolan hauek uztartzen laguntzeko.

Hau horrela izanik Eliak eman dizkigun 2 informaizo orrien eta hauen argazkiak jarriko ditut zuek ikusteko. Espero dut denen gusutkoa izatea:

INFANTIL INVESTIGA

BLOGA

Donostian, 2009ko maiatzaren 5ean

Kaixo!

Gaur Donostiako Amara Berri eskolako bi kide (ahokkularia eta hedabideen burua) etorri dira unibertsitatera eta bertan lan egiteko duten moduaz hitz egiten aritu dira. Ezer esan aurretik aipatzekoa da nik Amara Berri sistema jarraitzen duen eskola batean egin ditudala ikasketak, Ordiziako Urdaneta Oianguren ikastetxean hain zuzen ere, eta horregatik kontatutako zenbait gauza banekizkien nik neuk bizi izan nituelako.

Amara Berri proiektu berritzailea da 30 urte inguru dituena eta proiektuaren aintzindaria Loli Arnault da. Amara Berri errealitate bat da, berritzailea eta egonkorra, baina proiektu ezberdinak hartzen dituena bere barnean, gaur egun hedabideek indar handia dutelarik.

Eskolak bizipen globala eskaintzen du, ikasleen aprendizaia gauza xume batetik proiekzio handiago batera pasatzen delarik.

Eskolan saiatzen dira beren lan guztieak zerbaitetarako izatea eta hau lortzeko aukera ezberdinak dituzte, martxan dituzten Irrati, telebista eta prentsako elementuak Txikiweb izeneko webgunean zintzilikatzea adibidez.

Eskola honetan hedabideek garrantzia ikaragarria dute eta hauekin lehen esandako lortzeaz gain, helburu nagusiena ikasleek teknologia berriak erabiltzen ikastea da modu natural batean. Hau da bertan irakasleak ez du esaten eta ikasleek egin, baizik eta ikasleak eta irakasleak elkarrekintzan ikasten dute. Besteak beste, grabatzen, editatzen, irratsaioak emititzen edo aldizkaria bat sortzen ikasten dutelarik, guzti hau aurrera eramateko erabili behar den ekipamendua erabiltzen ikasten dutelarik.

Egia esan metodo hau ezin hobea iruditzen zait hezkuntzan teknologia berriak txertatzeko. Nire eskolaren kasuan Txikiweba oraindik ez dago, baina bai telebistak, irratia eta prentsa eta hauen bidez egia da ikaragarri ikasten dela teknologiak erabiltzen. Horregatik, nire azalean bizi izan dudalako sistema hau, frogatu dudalako egokia dela, sistema ezin hobea iruditzen zait. Gainera aipatzekoa da hau aurrera eramateko antolamendu zehatz bat ezinbestekoa dela eta hau lortzeko izugarrizko lana egin behar dela. Horregatik guzti hau ikusita sistema goraipatzea ezinbestekoa dela iruditzen zait.

Esan bezala TxikiWebean Amara Berriko telebista, prentsa eta irratiko emiso ezberdinak ikusi edo entzun daitezke eta honetaz gain ikasgeletan egindako lan ugariren isla ere bada. Horregatik, guztiarekin sarean egiten da lan, denak elkartuta zentzua ematen diolarik hezkuntza eta teknologien arteko lotura duen iraskuntza/ikaskuntza prozesu honi.

Jarrian Amara Berri eskolako Txikiwebaren linka jarri dut nik azaldutakoa begiz ikusteko, espero dut denen gustukoa izatea.

AMARA BERRIKO IKASLEEN TXOKOA

Donostian, 2009ko maiatzaren 4an

Kaixo!

Esan bezala IKTko lana egiteko taldeko kide bakoitza gure eskolara joan gara eta bertan IKTroarekin hitz egin dugu. Hau horrela izanik, nik argazki batzuk ere atera ditut eta hauek ikusgai jartzea otu zait.

Argazki ugari atera ditut baina denak ez jartzeagatik hiru aukeratu ditut pixka bat eskolako egoera hobeto ikusteko.

Besteak beste, arbela digitala, ordenagailu, eskaner, imprimagailu edo proiektorea ikusi daitezke argazkietan ikastetxean egunerokotasunean erabiltzen dituztenak. Ikusi daitekeen bezala eskolan ere teknologiak erabat sartuta daude eta bai irakasle eta baita ikasleek ere erabiltzen dituzte irakaskuntza/ikaskuntza prozesuan aurrera egiteko.

Donostian, 2009ko apirilaren 29an (Berrikuntza eta teknologia ...non, nola..?

Kaixo!

Gaurko bigarren puntua Blogean txertatuta daukadan Amara Berriko bideoa eta moodlen agertzen den Getariko eskola baten proiektuaren bideoa konparatzea da. Amara Berriko Txiki Webaren nondik-norakoa azalduta Getariko proiektuan kokatuko naiz ondoren bien arteko konparaketa bat egiteko.

Bideoa Getariko 4 urteko gela batean grabatua dago eta oinarria gida turistiko bat egitea da. Irakasleak ipuin baten bidez gida turistikoei buruz hitz egiten die haurrei eta ondoren benetako gidak ematen dizkie hauek esku hartean eudikitzeko eta argazki ezberdinak ikusteko. Ipuinaren bidez gida turistiko bat zer den eta zein material behar den hau egiteko azaltzen die irakasleak, eta hau horrela izanik beraik beren gida turistiko propioa eraikitzeko proposamena helarazten die.

Bide honetatik lanean hasten dira, nongo gida turistikoa egin zehazten dute denen artean eta hurrengo pausoa bertara irteera egitea izanik. Irteeraren bidez gunea ezagutzen dute eta haurrek irakaslearen laguntzarekin argazkiak ateratzen dituzte ondoren gida osatzeko. Beraz, hau egin ostean gelara bueltatzen direnean irakasleak argazkiak inprimatu eta bere laguntzarekin gidak osatzen dituzte dene artean haurren marrazkiak ere bertan txertatuz.

Gutxi gora behera hauxe izango zen Getariko proiektua eta ikusi daitekeen bezala Amara Berrikoaren ezberdina da. Kontuan hartu behar dugu Getariko haurrak txikiagoak direla eta hori dela eta mugatuagoak daudela, horregatik bertan irakasleak protagonismo handiagoa du Amara Berrikoan baino. Amara Berrin teknologien munduan bete betean daude sartuta haurrek oso ongi kontrolatzen dituzte eta ikusi daitekeen maila handia da. Getariko eskolako proiektua xumeagoa da baina aldi berean berritzailea da eta haur txikiei teknologiekin kontaktua izaten uzten die. Gainera Txiki Webean lan idibiduala nagusitzen da eta Getarian berriz taldean lan egiten ikasten dute haurrek. Baina azken finean biek helburu antzekoa dute teknologiak hezkuntzan txertatzea.

Argi dago teknologiak hezkuntza prozesuan izugarrizko zurrunbiloa sortzen ari dela, zentro bakoitza bere erara egokitzen ari delarik. Teknologie dagokienez nire ustetan erdi mailako zerbait bilatu behar da, teknologiek beren tokia dutelarik baina ez protagonismo osoa. Izan ere, abantailak dituzte baina baita desbantailak ere pertsonen arteko haurremana eta idazketa ikusten ditudalarik okerren.

Horregatik, gauza guztiei bezala beren puntua bilatu behar zaiola honi ere uste dut, era guztietako ezagutzak elakartuz ikasketa prozesu oparo bat sortuz.

Azkenik, esan beharra dago, kasu honetan Getariako bideoa ezin dela interneten ikusi sare mugatu batean ikusteko bakarrik baita. Horregatik honen argazkia jarri dut bideoa ikusi ezin duen norbait badago hau non dagoen eta ideia txiki bat egiteko. Espero dut baliagarria izatea!

Donostian, 2009ko apirilaren 29 an

AMARA BERRIKO BIDEOA
Kaixo!

Gaur Josemirekin izan dugu klase teorikoa. Bide honetan Amara Berri eskolak aurrera daraman proiektu bat izan dugu hizpide, eta egia esan ni harrituta geratu naiz honekin. Josemik eskolan berak grabatutako bideo bat erakutsi digu, eta bertan Amara Berri eskolan Txiki Weba nola antolatuta dagoen ikusi dugu. Ikaragarri gustatu zati bertan lan egiteko zuten modua eta haurrak teknologien munduan uztartzeko metodo ezinhobea dela iruditzen zait. Txiki Weba txoko bat da eta egunero lau ikasle ezberdin pasatzen dira bertatik. Txokoan bi ordenagailu dituzte eta bertan ikastetxeko aldizkaria, telesaioak, irratsaioak eta haur hezkuntzako marrazkiak zintzilikatzen dituzte besteak beste.

Txiki webean lan egiteko antolamendu orri bat bete behar dute egunero bertako kideek. Bertan, egun horretan Txiki Webean zein lan azaldu behar diren eta norenak diren jarri behar delarik. Irakasleari dagokionez, askotan aritu gara hitz egiten honek zein paper hartu behar duen. Kasu honetan irakasleak ez du azaltzen programa bat nola erabili behar den, baizik eta elakrrizketean dago oinarritua, eta honen bidez laguntzen die ikasleei beren zalantzen edo arazoen irtenbideak bilatzen.

Gainera aipatzekoa da Txiki Webetik pasa ondoren ikasleei agiri bat ematen zaiela hau ziurtatzen.

Esan bezala, guzti hau azaltzen zuen bideoa bat ikusi dugu eta bertan bai ikasle eta bai irakasleak azaltzen ziren Txiki Webaren informazioa emanez, honen nondik-norakoa azalduz eta sentsazioak helaraziz, beren bizipenaren islada argia izanik.

Hauxe izango zen Txiki Webaren oinarria. Niri proiektua izugarri gustatu zait, baina uste dut horrelako proiektu bat aurrera ateratzeko lan handia egin behar dela eta hasiera batean behintzat irakasleak asko jakin behar duela pixkanaka-pixkanaka haurrek aurrea egin ahala protagonismoa galduz (adibidean ikusi dugun moduan).

Donostian, 2009ko apirilaren 24ean

Kaixo!
Azkenean ostirala iritsi da, eta beti bezala goizeko lehen ordutik hasi gara lanean. Gaurkoan word eta excel izan ditugu hizpide eta hauetan taulak nola egiten diren praktikatzen egon gara. Lehenik eta behin worden aritu gara taulak egiten eta ondoren excelera pasatu gara.

Irakasleak esan duen moduan niri ere excel egokiagoa iruditu zait taulak egiteko. Gainera, bertan taulak eginda grafikoak egiteko aukera ere ematen du eta gu grafikoak egiten ere aritu gara. Aurreko saio praktikoan bezalaxe office 07ak eskaintzen dituen aukeren berri izan dugu eta hauek nola erabiltzen diren ere ikasi dugu.

Word eta excelen inguruan zertxobait banekien baina iada ahaztuak neukan eta klase hauek gaiak freskatzeko balio izan didate.

Honetaz gain, egun hauetan IKTri buruz aurrera eraman behar dugun lanari ere ekin diogu taldeka jarriz eta hau egiteko gidoia prestatuz. Orain eskolara joan eta bertako IKTroarekin egon ondoren lana osatzea tokatzen zaigu.

Lan interesgarria ematen du, azken egunetan word eta excelen inguruan ikasi duguna praktikan jartzeko aukera bikaina.

Donostian, 2009ko apirilaren 23an (Igurunearen aldaketak ...Ikasleen ikuspegitik)

Igurunearen aldaketak ...Ikasleen ikuspegitik

Kaixo!

Behin eta berriz errepikatu bezala azken urteetan teknologia berriek izugarrizko garapen eta indarra hartu dute, eta hau gure gizartean argi eta garbi islatzen da. Orain arte, batez ere teknologiek hezkuntza munduan eta gugan izan duten eraginaz hitz egiten egon gara, era guztietako iritziak aireratuz. Baina gaurkoan gaztetxoei tokatzen zaie protagonistak izatea.

Izan ere, nire ustez hauengan izugarrizko eragina izan dute eta teknologiek bizitzeko modua aldatu diela esan daiteke. Gaurko gaztetxoak ez dira orain dela urte batzuetakoak bezalaxe, besteak beste, beste ohitura batzuk dituztelako eta hauen jolasteko, ikasteko edo harremantzeko moduak dira honen adibide.

Bideoan azaltzen den moduan, ipodak, ordenagailuak, blogak, pspak... beraien egunerokotasunaren barne daude eta hauek manejatzen ez dute inongo arazorik. Hau dela eta, askotan hizpide izan dugun gaia agertzen da berriz ere, irakaslearen rolarena. Izan ere, hezkuntzaren digitalizazioan askotan haurrak dira hobe konpontzen direnak teknologiekin irakasleak baino. Hau haurrak jada teknologien gizartean jaio eta hazi direlaren seinale da, eta honen ondorioz hezkuntzan izugarrizko birakada eman da, gauza berriak pentsatuz egoera honi aurre egiteko, betiere haurren heziketa oparoa helburu izanik.

Beraz, ikusi bezala nire ustez teknologiek izugarrizko eragina izan dute haurren bizitzan, batez ere komunikatzeko (internet, mugikorrak...) eta harremantzeko (messenger, blogak, tuenti...) moduan, hauen nondik-norakoa erabat aldatu baita. Haurren ikuspegia aldatu egin da eta honek eragin zuzena du hezkuntzan eta orokorrean gizarte osoan.

Donostian, 2009ko apirilaren 22an ( Teknologia eta gure irakaskuntz giroko aldaketak)

Teknologia eta gure irakaskuntz giroko aldaketak

Kaixo!

Bideoa ikusi ondoren teknologia berriek nire bizitzara ekarri dituzten bost aldaketa nagusiak ondorengoak dira:

• Komunikatzeko errazatasuna (skype, mugikorrak...)
• Informazio iturri aberatsa (internet, irratia, telebista...)
• Mugikortasun erraztasuna (Gps...)
• Entretenigarritasuna aberastea edozein une eta momentutan (Game boy, mp3, mp4...)
• Erosotasuna, gauzak etxetik egiteko aukera (matrikulak online, ikasgaiak...)

Hauek izango ziren teknologiek ekarri dituzten bost aldaketa besteak beste.

Abantaiei dagokienez nire ustez gutxi gora behera aldaketen antzekoak izango ziren, azken finean bizitza erraztea izanik guztiaren gakoa. Beraz, hiru abantaila nagusiak (batzuk esateagatik) ondorengoak izango ziren:

• Lagunak egiteko aukera eta dauzkagunekin erraztasunez komunikatzeko aukera.
• Informazioa lortzeko erraztasun handiagoa izatea.
• Orokorrean pertsona bat bere kabuz ibiltzeko aukera ematen dutela.

Desabantailei dagokienez, argi ditut eta jarraian agertzen direnak izango ziren:

• Aislatzea. Bete-betean teknologien munduan sartzea eta hauetatik kanpo dagoen bizitza alde batera uztea (familia, lagunak sozializazioa (ez birtuala)...)
• Hauek erabiltzeko zailtasunak. Askotan kostatu egiten da teknologiak egoki erabiltzen ikastea eta buruhauste ugari sortzen dituzte.
• Teknologiea berrien prezioa. Aparatu batzuk oso garestia dira eta maila ekonomiko altua behar da hauek eskuratzeko.

Hauxe izango zen teknologiek eragiten didaten sentsazioa ahalik eta egokien azalduta.

Donostian, 2009ko apirilaren 22an

Kaixo!

Egun hauetan zehar IKTri buruzko lana martxan jarriko dugu honetarako norberaren ikastetxeko iktroarekin hitz egin behar dugularik ondoren talde osoa ekartu eta lan potolo bat osatzeko.

Beraz, ni praktiketan egon naizen ikastetxeko, Ordiziako Urdaneta Oianguren ikastetxeko ikteroarekin hitz egin ondoren eta bertako baliabideak ikusi ondoren hauen berri emango dut honen nondik-norakoa ikusteko.

Besterik gabe, agurtzen naiz.

Donostian, 2009ko apirilaren 22an

Kaixo!

Gaur Aste Santu ondorengo lehenengo eguna izan da eta azken klase teorikoetan bezalaxe teknologia eta hezkuntzaz aritu gara, ikasgaiko gai garrantzitsu bat baita.

Hau dela eta, teknologia eta hezkuntzaren arteko erlazio egoki bat sortzea ezinbestekoa da eta horretarako teknologia zertarako erabili behar diren jakin behar dugu. Hezkuntzan helburu pedagogikoak zehaztu behar ditugu eta honen arabera teknologiak erabili.

Formularen bat bilatu behar dugu teknologia hezkuntzan ongi txertatzeko, eta honetarako bide nagusia komunikazioa da. Beraz, hizkuntza multimedia eta komunikazioa elkartu behar ditugu hezkuntza teknologiko oparo bat sortuz.

Honetaz gain, hurrengo eguneko teoriaren zatitxo bat ikusi dugu, Teknologia berrien erabilera Amara Berri eskolan hain zuzen ere eta oso interesgarria ematen du.

Elkarrikertuz plataforman ere sartu gara bakoitzak bere izena eman duelarik, eta hau ere baliagarria izango da gure ikastaroa aurrera eramateko.

Beraz, hauxe da gaurkoan egin duguna, egunetik egunera gauza gehiago ikasten ari galerarik.

Donostian, 2009ko apirilaren 3an

Kaixo!

Gaurko klasean wordekin aritu gara bete-betean. Irakasleak word 07aren datu ugari eman dizkigu lehendik ez nekizkienak eta egia esan oso baliagarriak iruditu zaizkit. Dokumentuak ahalik eta egokien egiteko informazio ugari eman digu eta honek lana erraztuko digulakoan nago ni. Gainera pixkanaka ari gara sartzen ordenagailuen munduan eta nire ustetan horrela hobeto barneratzen dira gauzak. Izan ere, poliki-poliki eta pausoz-pauso joanez gehiago ikasten da, azkenerako ezagutza mordo bat lortuz. Besteak beste, zuzenean aurkibideak nola egiten diren, irudiekin gauza polit asko egiten eta estiloak erabiltzen erakutsi digu. Egia esan, ez nuen uste wordek hainbeste aukera ematen zituenik eta harrituta geratu naiz. Irakasleak datu ugari eman dizkigu, orain guri tokatzen zaigu erakutsitakoa praktikan jartzea.

Izandako klasearekin oso gustura gelditu naiz, etengabe erabiliko dugun materiala erabiltzen erakutsi digulako irakasleak, eta nik uste dut hemen dagoela gakoa. Behin eta berriz errepikatu bezala gauza baliagarriak erabiltzen ikasi dugu dokumentu egoki bat sortzeko, eta nire ustez hau funtsezkoa da bai karreran eta baita etorkizunean magisteritza eskolatik ateratakoan aurrera egiteko.

Donostian, 2009ko apirilaren 1ean (Alfabetizatze berriak)

alfabetizatze berriak

Kaixo!

Gaurko bigarren bideoa Alfabetitzatze Berriak izenekoa izan da. Hau lehenengoarekin konparatzen badugu bestea baino kritikoagoa dela teknologia berriekin esan beharra dago. Gaur egungo gizartean dagoen teknologia ugariaz hitz egiten du eta honek pertsonengan eta orokorrean gizartean duen eragina aipatzen du.

Bideoak hausnarketa prozesura bideratzen du bat, izan ere, zein gaitasun behar dugun gaur egungo gizartean bizitzeko teknologia berrie dagokienez pentsatzera eramaten gaitu. Azken finean, pertsonok ekintza ezberdinak aurrera eramateko (lana...) material hau erabiltzen jakin behar dugula dio eta egia da. Izan ere, azken finean, batean teknologia berrien menpe gaude.

Nire ustez aurreko bideoan esan bezala, gu izan beharko ginateke hauek nahi ditugunean erabiltzearen jabe, baina zoritxarrez askotan ez da hori gertatzen eta tekonologia gure gainetik jartzen da.

Aipatzekoa iruditzen zait bi bideoak interesgarriak iruditu zaizkidala, teknologien munduak eragiten duen tira-bira handiaz hobeto jabetzeko aukera eman baitit.

Donostian, 2009ko apirilaren 1ean (tecnologia de la edudcación)

Kaixo!

Ikusi bezalaa gaurko klasean Teknologia berriak Hezkuntzan bideoa ikusi dugu besteak beste, eta honen inguruan joan da ikasgaia gaurkoan.

Gaia hizpide hartuta, nire ustetan, gaur egun teknologien munduak eskaintzen digun aukera izanda, hauek hezkuntzan erabiltzea egokia iruditzen zait, baina gauza guztietan bezala mugak oso garrantzitsuak dira. Klasean esan bezala teknologia berriak egokitu behar ditugu hezkuntzara eta ez alderantziz, nire ustetan gakoa hau izanik.

Guri tokatzen zaigunez (irakasleei), adibidez, ordenagailua materiala prestatzeko oso baliagarria dela iruditzen zait, aukera asko eskaintzen dituelako eta oso material polita lortu eta sortu daitekeelako merke eta nahiko errez. Bestalde, haurrei dagokienez, hauek erabiltzen erakutsi eta hezkuntzan aplikatu behar direla uste dut baina ez protagonismo guztia hauei emanez. Nire ustetan haur hezkuntzari dagokionez, badaude gauza batzuk ipuin kontaketa edo marrazkiak egitea dagoen bezala utziko nituzkeenak, teknologia berririk erabili gabe, hauek beste modu batera sartuko nituzkeelarik.

Pixkanaka-pixkanaka hasiko nintzen teknologiak sartzen ikasgelan, hasieran jokoekin hasiz horrela haurrek kontaktua hartzeko eta pixkanaka gauza berriak egiten erabiltzen erakusteko. Kasu honetan, progresiboki hobeto barneratuko zutelako hauen egitekoa. Gainera, adin hauetan idazketa prozesuak eta orokorrean motrizitate finak garrantzia handia du eta honi bere tokia utzi behar zaiola uste dut nik.

Beraz, hauxe izango litzateke gai honi buruz dudan iritzia.

Donostian, 2009ko martxoaren 27an

Kaixo!

Gaur Teknologia Berriak ikasgaiko lehenengo klase praktikoa izan da. Hasteko eta aurkezpen moduan ordenagailuei buruzko informazioa jaso dugu, ondoren ikasgaian zehar aurrera eramango ditugun jarduerak azalduz. Hau amaitu ondoren, jada, ordenagailu eta interneten munduan sartu gara, bertan bakoitzak bere bloga eta googleko kontua sortu dugu. Pixkanaka-pixkanaka ordenagailuen munduan sartuz.